ပန်းပုဆရာ နဲ့ ကျောက်တုံးနှစ်တုံး

ပန်းပုဆရာ နဲ့ ကျောက်တုံးနှစ်တုံး

======================

တစ်ခါက ပန်းပုဆရာ(ကျောက်ဆစ်ရုပ်ထုဆရာ)တစ်ယောက်ကို ရွာသားတွေက ကျောက်ရုပ်တု တစ်ခု ထုပေးဖို့ လာအပ်ကြတယ်။ ဒါနဲ့ ပန်းပုဆရာဟာ တောထဲကကျောက်တွေပေါတဲ့နေရာကိုသွားပြီး အသင့်တော်ဆုံးကျောက်တုံးနှစ်တုံးကို ရှာပြီး ပြန်လာခဲ့တယ်။

အိမ်ပြန်ရောက်တော့ ပန်းပုဆရာဟာ ကျောက်တုံးတစ်တုံးကို ရုပ်ထု ထုဖို့စတင်တယ်။ ကျောက်တုံးပေါ်ကို ဆောက် နဲ့ရွယ်ပြီး တစ်ချက် နှစ်ချက်ပဲ ထုရသေးတယ်။ ကျောက်တုံးဆီကနေ ကျယ်လောင်တဲ့ ငိုတဲ့အသံထွက်လာတယ်။ ပန်းပုဆရာ လန့်သွားတယ် ။ ဘာလုပ်ရမှန်းမသိတာနဲ့ ပန်းပုထုတာကို ခဏရပ်လိုက်တယ်။ ပြီးတော့ ကျောက်တုံးကိုမေးလိုက်တယ်။
"ဘာလို့ငိုရတာလဲကွ"

"ခင်ဗျား ကျွန်တော့်ကို တူနဲ့ထုရိုက်နေတယ်လေ ၊ အရမ်းနာလို့ငိုတာပါ"

"မင်းကို ငါက လှပတဲ့ ရုပ်တုတစ်ခုအဖြစ်ပြောင်းပေးမလို့လေ ၊ နည်းနည်းတော့ အနာခံရမှာပေါ့ကွာ ၊ အချိန်တစ်ခုအောင့်ခံပြီးတာနဲ့ မင်းရဲ့ဘ၀လှပသွားမှာပါ"

"ဟင်အင်း မလှရင်နေပါစေ ၊ အနာတော့မခံပါရစေနဲ့ ၊ နောက်ကျောက်တုံးကိုပဲ ရုပ်တု ထုလိုက်ပါ ၊ ကျွန်တော့ကို မထုပါနဲ့"

ဒါနဲ့ ပန်းပုဆရာက နောက် ကျောက်တုံးကိုပဲ ထုဖို့ပြင်တော့တယ် ။ မထုခင် ပထမ ကျောက်တုံးလို ဖြစ်မှာစိုးလို့ အရင်မေးတယ်
"မင်းရော ဘယ်လိုလဲ အထုအနှက်ခံနိုင်မှာလား"

"ရတယ် ၊ ထုချင်သလောက်ထု ၊ ရိုက်ချင်သလောက်ရိုက် ၊ လှပတဲ့ရုပ်တုဖြစ်လာဖို့ဆိုရင် ဘယ်လောက်နာနာ အနာခံပါ့မယ်" လို့ ဒုတိယ ကျောက်တုံးက ပြောတယ်။

"အိုကေ ၊ ဒါဆိုလုပ်ငန်းစလို့ရပြီ"
ပန်းပုဆရာက ပျော်ရွှင်မှု အပြည့်နဲ့ ပန်းပုထုတဲ့ လုပ်ငန်းကို စတယ်။ ဆောက်နဲ့ စထုရိုက်လိုက်တာနဲ့ ကျောက်တုံးခဗျာ နာကျင်မှုကို စခံစားရတယ် ၊ ဒါပေမယ့် သူ တင်းခံထားတယ် ၊ ထုတာရိုက်တာကြာလာတာနဲ့ အမျှ ပိုမိုပြင်းထန်တဲ့ နာကျင်မှုတွေကို ခံစားရတယ် ၊ ဘာပဲဖြစ်ဖြစ် အနာခံမယ်ဆိုပြီး ဝေဒနာကို အံကြိတ်ခံလိုက်တယ် ၊ နောက်ဆုံးတော့ ရုပ်တုက ထုတာပြီးသွားတယ် ၊ ကျောက်တုံးဟာ လှပတဲ့ ရုပ်တုတစ်ခု ဖြစ်သွားတယ်။

ရွာသားတွေဟာ ရုပ်တု နဲ့ ကျောက်တုံး နှစ်ခုလုံးကို ဘုရားကျောင်းကို သယ်သွားတယ် ။ ရုပ်တုကို စင်ပေါ်တင်ပြီး အမွှေးနံသာ ပန်းတွေနဲ့ တရိုတသေထားလိုက်တယ် ၊ ကျောက်တုံးကိုတော့ အုန်းသီးခွဲတဲ့နေရာမှာ ခံတဲ့တုံးအဖြစ်ထားလိုက်ကြတယ်။

တစ်နေ့မှာတော့ ကျောက်တုံးဟာ အလွန်စိတ်ဆိုးပြီး ရုပ်တုကိုပြောတယ် ။
"ငါတို့နှစ်ယောက်လုံး တောထဲက အတူတူလာခဲ့တဲ့သူတွေပါ ၊ အခုတော့ကွာခြားသွားလိုက်တာ မင်းကျတော့ ပန်းတွေ ၊ အမွှေးတိုင်တွေ ကပ်လို့ အရိုအသေပြုနေလိုက်ကြတာများ ..ငါ့ကျတော့...."

ရုပ်တုက ပြန်ပြောတယ်။
" ကျောက်တုံးကနေ ရုပ်တုဖြစ်လာဖို့အတွက် ရုပ်တုထုစဉ်မှာ ပြောမပြတတ်အောင်နာကျင်တဲ့ ဒါဏ်တွေကို ငါခံစားခဲ့ရတယ်လေ ၊ မင်းကတော့ နာကျင်တာကို မခံစားချင်လို့ ငြင်းခဲ့တယ်လေ ၊ ဒီတော့ ရိုးရိုးကျောက်တုံးတစ်တုံး အဖြစ်ပဲ နေပေါ့ကွာ"

-----------------------------------

ဒီလိုပါပဲ အောင်မြင်တဲ့ဘ၀တစ်ခုကို ရလာဖို့အတွက် နာကျင်မှု ၊ အခက်အခဲ ၊ အကျပ်အတည်းပေါင်းများစွာကို ရင်ဆိုင်ဖြတ်သန်းရမှာ အသေအချာပါ ။ ဒီလိုကြုံလာတဲ့အခက်အခဲတွေတိုင်းကို ရင်ဆိုင်ပြီး ကျော်လွှားပြီး အောင်မြင်မှုကို ရယူမလား ။ ဒါမှမဟုတ် လက်မခံပဲ သာမန်ဘ၀လေးအတိုင်းပဲ ရှင်သန်မလား ဆိုတာတော့ ကိုယ်တိုင်ရွေးချယ်ရမှာပါ။

ကဲ မိတ်ဆွေရော ဘယ်ဘ၀ကို ရွေးချယ်မှာလဲ ...:)

#သုတဇုန်

Supported By လှိုင်မင်းလတ် LCCI စာရင်းကိုင် သင်တန်း
Phone; 09- 510 9922