လှေခါး (၃၀)
=====================
ဒီဆောင်ပုဒ်လေးက အရင်ကဆရာကြီးတွေလည်း
ရေးသားခဲ့ဖူးပါတယ် မှက်သားစရာတွေမို့
ကျွန်တော်ပြန်လည်ရေးသားရခြင်းပါ၊၊
၁။ ကတိအပေးနည်းပါစေ။
၂။ အမှန်ကို အမြဲပြောပါ။
၃။ မိတ်ကောင်းဆွေကောင်းထားရှိပါ။
၎။ သူတစ်ပါး မကောင်းကြောင်း
ဘယ်အခါမှ မပြောနှင့်။
၅။ မိမိဝင်ငွေနှင့် လောက်ငှအောင် သုံးစွဲပါ၊၊
၆။ မိမိ၏ဘယ်လုပ်ငန်းတွင်မဆို
ကျွမ်းကျင်မှုရှိပါစ။
၇။ မူးယစ်စေသည့် အရာများကို ရှောင်ကျဉ်ပါ။
၈။ သဒ္ဒါမရောက်မီ တရားမျှတမှု ရှိပါစေ။
၉။ လောင်းကစားမှုကို လုံးဝရှောင်ကြဉ်ပါ။
၁၀။ လျှို့ဝှက်သင့်သည့်ကိစ္စကို
မပေါက်ကြားပါစေနှင့်။
၁၁။အကျင့်စာရိတ္တကောင်းခြင်းမွန်သည်သာ
ဘဝ၏အောင်မြင်တိုးတက်ခြင်းကိုဖြစ်စေသည်။
၁၂။တတ်နိုင်ပါက ချေးငှားမှုအား
ဘယ်သောအခါမှ မပြုပါနှင့်။
၁၃။ သင်၏ပျော်ရွှင်ချမ်းမြေ့ခြင်းသည်
သင့်၏ကျေနပ်မှုနှင့်လုပ်ငန်းအပေါ်မှာ
မူတည်ပါလိမ့်မယ်။
၁၄။ ကြွယ်ဝချမ်းသာမှုကို ဆောင်ရွက်ရာတွင်
အလောသုံးဆယ်မပြုလုပ်သင့်။
၁၅။ သူတစ်ပါးအား ပြောဆိုရန်ရှိလျှင်
ထိုသူ့မျက်နှာကို ကြည့်၍ပြောပါ။
၁၆။ မယားတစ်ယောက်ကို လုပ်ကျွေးနိုင်မှ
ထိမ်းမြားမင်္ဂလာ ပြုသင့်သည်။
၁၇။ ကြီးလာသည့်အခါ သုံးစွဲနိုင်ရန်
ငယ်ရွယ်စဉ်က ချွေတာစုဆောင်းရာ၏။
၁၈။ အပေါ်ယံသာယာမှုကိုကြည့်၍
အပျော်အပါးများအားမလိုက်စားသင့်။
၁၉။သူတစ်ပါးတို့အားကူညီရာတွင်
ကဲ့ရဲ့ ပြစ်တင်ရှုတ်ချမှုကိုဂရုမစိုက်သင့်။
၂၀။ ကောင်းသောစိတ်ထားခြင်း၊
ကောင်းသောစကား ဆိုခြင်းသည်
မွန်မြတ်ခြင်းဖြစ်၏။
၂၁။ မှန်မှန်ကန်ကန်နှင့်ကြိုးစားမှုကြောင့်
တိုးတက်ခြင်းသည်
ထိုက်တန်အောင်မြင်ခြင်းဖြစ်၏။
၂၂။ ညအိပ်ယာဝင်သည့်အခါ
တစ်နေ့တာလုပ်ဆောင်ခဲ့သမျှကို
ပြန်လည်သုံးသပ်ခြင်းသည်
နောက်နေ့လုပ်ဆောင်ရမည့်အလုပ်အတွက်
တိကျမှုကိုဖြစ်စေ၏။
၂၃။ သင့်အပြုအမူဆောင်ရွက်ချက်မှလွဲ၍
သင့်အကျင့်စာရိတ္တကိုထိခိုက်စေမည့်အကြောင်း
မရှိနိင်။
၂၄။ အလုပ်တစ်ခုကို စဉ်းစားဆုံးဖြတ်
သုံးသပ်ပြီးမှအကောင်အထည်ဖော်ရာ၏။
၂၅။ အလုပ်နှင့်ဘယ်အခါမှ ကင်းကွားမှုမဖြစ်စေပဲ
လက်များကိုအကျိုးရှိစွာအသုံးချပါ။
၂၆။ကိုယ့်အကျိုးသာကြည့်ပြီး
သူတစ်ပါးအကျိုးမကြည့်သောသူများအား
မိတ်ဆွေအဖြစ်မပြုသင့်။
၂၇။အကျင့်စရိုက်ကြမ်းတမ်းသူများနှင့်
အတူတကွမနေသင့်။
၂၈။သြဇာအာဏာရှိသူသော်ငြားလည်း
ယုတ်မာရက်စက်လူမဆန်သူများနှင့်
ဝေးဝေးနေသင့်၏။
၂၉။သူတော်မဟုတ်သူယုတ်တို့နှင့်
ကင်းကင်းနေက ကိုယ်စိတ်နှစ်ဖြာချမ်းသာရ၏။
၃၀။ကိုယ့်အကျိုး သူ့အကျိုး
မျှမျှတတဆောင်ရွက်ငြားက
မိတ်ကောင်းသဟာပေါကြွယ်ပါ၏။
ကျေးဇူးတင်ပါသည်။
ကျော်ကျော်ခိုင်
#KKK
2015 ခုနှစ်ကရေးခဲ့တဲ့
post အဟောင်းလေးပါ
No comments:
Post a Comment